‧點解我會 Blog
2,809 Views | posted in 碎碎唸 |係 Just a Sidekick 到睇到一編 blogger本色 既文章，突然想起，係呢，點解我會想寫 Blog……
講返起，大概一年前，某日睇書睇到介紹 Blog，
當然，介紹既係 Blogger.Com 啦。
乜都鍾意八一餐既我，又點會放過丫，即晚就摸上去睇下究竟咩野一會事。
但 Blogger.Com 上面主要為英文 Blog，對我泥講，哇，太沉重…：P
跟住，順手係 Google 到輸入 Blog，睇下仲有咩野地方，
最後，揀左 Blog 鄉村香港站 落腳。
係果到，識左一班「筆友」（果到係咁叫架）大家日日傾傾講講，都幾開心架。 ^^
可惜當時我並唔係用 jaycy 呢個名登記，原意係想講 D 唔想比其他識我既人知既事，
但點知最後變成障礙，變左咩都唔敢講，見到人地養貓想同人講自己都有隻可樂…唔敢；
見到人養狗想講下自己都有隻松鼠…又唔敢。好辛苦囉…我巧愛佢兩個家嘛，唔講佢地，都唔知講咩好…：P
同一時間，自己都好想整一個專 for 寵物飼主申請既 Blog 網站。
可能有人會問：原本已經有一個寵物論壇，點解仲要整多個 寵物 Blog 呢？
係，論壇係一比大家討論既地方，但咁耐以泥，
大家只會上泥問：我隻狗肆圍大小便，點算？我隻貓食咩野糧最好？等等既問題，
卻從來無人會上去同其他人講下自己同寵物間既故事……
但試問，如果有機會比您講下屋企寵物同您之間既故事，係幾咁溫馨；可以幾咁感人呢~~
搵程式搵左好耐，亦都曾經試過搵一班資深會員一齊測試運作同埋睇下大家係咪鐘意寫 Blog…
可惜，反應真係好差。
得返泥既回應係：論壇又要 Login，Blog 又要再另外 Login ，好煩，我係論壇上面寫好過啦…
（唉~~亞女，咁您又唔係論壇寫……）
最後，當然不了了之啦…都無反應…：P
又最後，同一概念亦已經出現左係： MyPet 寵物閒情 裡面。
接近 04 年年尾既時候，鄉村香港站開始好唔穩定，好多時夜晚都連結唔到上去，
幾年前開始做網頁時 奇摩、亞卓布 等免費空間會成日連結唔上既陰影不其然咁返哂泥，
心裡面想整返個個人 Blog 既念頭又再浮起。
但搵程式，搵左好耐都搵唔到…
一來我無話特別的起心肝去搵啦，
二來我去錯 PHP Resource Index 果到搵，
搵到既幾乎都要自行中文化，唉，我，太懶喇…：P
最後，大概五月中左右，終於係 Google 到 search 到呢個 blog 程式，下載返泥測試過，
都 OK 喎，可以改動既地方都唔難搵，好容易就將版面改到自己喜歡既咁 ^^
嗯 ^^”"
不過我係個小女人，淨係識得行街睇戲食飯，所以係呢到，您永遠見唔到有「政經」事，
亦唔會睇到一 D 發人深醒既文章…：P
係呢到；您只會睇到一 D 無無聊聊白白癡癡既生活片段，講下貓講下狗講下一個潑婦點樣出泥行社會……
Tags :blogger
