‧箭豬故事
3,576 Views | posted in 碎碎唸 |
上個月中，
係米米高果邊見到一個標題為《箭豬故事》既文章，
內文尾段有句『待續…』，
雖然等到家陣都未見米米高既續文，
不過……
自己就膽粗粗接左返泥續…… 
米高高原文如下：
從前有一隻箭豬﹐佢自己都唔清楚自己係咪想同其他動物做朋友。
因為佢知道﹐佢身上面果D刺﹐就算係最輕微o既接觸﹐
都極有可能傷害到親近佢o既朋友。
有一次﹐箭豬就係咁誤傷左一個路過o既朋友。
雖然佢無乜內疚﹐但係自此之後﹐佢就更加肯定﹐
為左唔會再去傷害到其他人﹐佢令願自己柄埋一角唔出o黎。
有日，箭豬如常將自己柄埋係一棵大樹腳邊既小洞裡面，
無乜野做唯有訓覺。
突然間，佢被洞外既尖叫聲噪醒，
好奇心驅使下佢探頭而出八一八，
唔八尤至可，
一八之下見到一群小松鼠係到慌忙逃生，
因為有隻大麻鷹係天空盤旋緊，
係到搵緊小松鼠群中至肥美可口既一隻作目標……
雖然箭豬係無朋友，
但唔代表佢係一個心腸壞、冷漠既生物，
救人一命勝做七級浮屠既道理佢好明白，
所以二話不說就跳出洞口，
用佢又白又滑既下腹遮蓋住大麻鷹既目標 ——
小松鼠群裡面最肥最論盡既大舊松 ——
大麻鷹雙爪齊出，只係抓到箭豬背上既剌，
唉～最後敗興而回……
「嘩！！好野！！！」小松鼠群眼見大麻鷹無功而回，
大伙兒興高彩烈咁歡呼起泥。
大舊松：「箭豬哥哥，多謝您救左我一命呀！」
「噓噓，唔駛客氣，至緊要大家無事。」箭豬客氣咁話。
就係咁樣，箭豬識左一班生死與共既好兄弟，
每次小松鼠群出泥玩，
總會預埋箭豬一份，
無論去到邊，總會叫埋佢出泥，
形影不離。
箭豬能夠識到呢班朋友仔，
心裡面當然好高興啦，
無以為報，一直以身相許 ——
以佢又白又滑既下腹泥拯救小松鼠群既性命 ——
每次救左佢地，都會得到小松鼠群既歡呼、吶喊、答謝，
箭豬極之享受呢一刻。
又有一日，樹林裡泥左隻又黑又醜既大烏鴉，
烏鴉果然有張烏鴉口，
當佢見到箭豬用佢肥滿既身軀遮蓋住小松鼠群，
好等飛鷹大哥捉唔到佢地泥食之後，
企係樹上面冷笑一聲：
「鴉～你用自己既身體去救左佢地，
聽到佢地為左你呢個又愚又笨既做法歡呼、答謝既時候，
有無想過佢地係咪真心視你為朋友先？
鴉～佢地係到玩捉依欣既時候，有無預埋你一齊玩？
佢地係到歡呼互相擁抱既時候，
有無抱過你？
鴉～你就默默付出，佢地就欣然接受，
但始終都只係視你為局外人；
只係將你當作一個救生水泡炸，傻仔……」
當頭棒喝……箭豬頓時有所領悟！
「係喎……咁耐而泥，佢地去邊都叫埋我，
但真係從來無抱過我喎……」
回想呢段形影不離實際只係咫尺天涯既日子，
箭豬忍唔住喊起上泥……
第二日，當小松鼠群泥搵佢一齊出去玩既時候，
箭豬一口就拒絕左……
「箭豬哥哥，點解呀？您唔舒服呀？」
「我無事，成隻豬都無事，係個心唔舒服遮。」
「個心唔舒服？哇，可大可小過喎，
咁您休息下喇，記得去睇醫生喎。」
講完，小松鼠群就離開自己去左玩喇。
「鴉～傻仔，你睇下，係咪呀，
佢地有你無你其實無所謂架，」冤魂不息既烏鴉又出現，
「你以為你真係好重要？真係佢地既英雄？鴉～」
就係咁，箭豬回復返以前孤零零一隻豬既生活，
每日將自己柄埋一邊唔再理會小松鼠群……
但心靈上，比起從前更寥落……
而果班小松鼠群，
係經過一段時間叫極箭豬都唔肯出泥玩之後，
亦已經無再泥搵過箭豬……
係箭豬心裡面，
就更加肯定烏鴉口講既係真理：
小松鼠只係當佢傻仔！
箭豬愈想愈偏激，
開始覺得個天係到玩佢：
點解？點解我要生成滿身刺？
點解？點解要比我遇上呢班忘欣負義既松鼠仔？
點解？點解？？點解？？？
可惜無論佢問個天幾多次點解，
個天都唔會答佢，
無論佢個心有幾傷，
小松鼠群亦都無再出現過……
直到有一日，佢再次踏出樹洞出外散步，
先至見到係樹林裡面有好多松鼠既骸骨……
有 D 係樹腳邊；有 D 係河邊；有 D 甚至連埋皮毛吊係樹上面……
原來，係箭豬自我封閉既呢段時間裡面，
烏鴉聯同鷹大哥已經續一將小松鼠殺害，取其肉以飽肚！
箭豬終於明白，
奸狡既烏鴉講既雖然有其道理，
但原來最終都係為左離間佢同小松鼠之間既感情，
好等佢可以將松鼠殺害。
望住小松鼠們左一塊右一塊既骸骨，
佢開始懷疑小松鼠群之所以唔再出現並唔係因為唔當佢係朋友，
而係遭到大麻鷹與臭烏鴉既殺害，
回想種種，覺得自己真係笨！
內咎感油然而生，
但已經無辦法再作補償……
箭豬最終亦明白到：
天生我才必有用！
身上既刺雖然妨礙佢交朋結友與人親近，
但同時間亦係佢係樹林中生存既最佳防備，
有失必有得……
雖然生命係脆弱；人性係醜惡；友誼更加係不堪一擊，
卻得天獨「刺」，
令自己比別人強。
雖然仍舊孤單，
但已經唔再柄埋自己，
昂然闊步，迎向未來。
Tags :blogger
posted on January 6th, 2007 at 4:35 pm
posted on January 6th, 2007 at 6:51 pm
posted on January 6th, 2007 at 8:58 pm
posted on January 6th, 2007 at 11:53 pm
posted on January 7th, 2007 at 12:35 am
posted on January 7th, 2007 at 3:25 am
posted on January 14th, 2007 at 8:04 pm
posted on January 15th, 2007 at 12:54 am
posted on January 15th, 2007 at 10:50 pm
posted on January 16th, 2007 at 12:12 am
posted on January 16th, 2007 at 11:28 pm
posted on January 17th, 2007 at 12:08 pm
posted on January 18th, 2007 at 7:57 pm
posted on January 18th, 2007 at 7:57 pm
posted on January 19th, 2007 at 11:25 am
posted on January 20th, 2007 at 8:24 am
posted on January 21st, 2007 at 12:56 am
posted on January 21st, 2007 at 1:00 am
posted on January 21st, 2007 at 1:03 am
posted on March 27th, 2007 at 11:03 pm