‧體驗venture
3,070 Views | posted in 碎碎唸, 行街街 |某日途經威靈頓街翠華門外，抬頭望到斜對面有張BB相好靚：
後知後覺既我先知原來係一家來自英國名叫Vanture既studio。
然後又某日，行經奧海城商場，
離遠又見到呢個Green Baby，
因為本身就想同豬利影輯相，所以就行去佢有乜推廣。
原來佢地做緊個推廣，可以用HK$500買張voucher，
試下原值HK$2,500既攝影服務一次，
當中包括：一小時攝影(價值HK$1,000)、
私人預覽時段以及7″ × 5″ 的相框一個連自選相片(價值HK$1,500)。
就係咁，我地就買左張voucher試下……
7月13日下晝大概六點鐘，
收到venture一位男攝影師既電話，
提醒我地拍攝當日唔好著太淺色既衫啦、
提醒我地記得帶D囡囡鍾意既玩具一齊上去啦、
提醒我地可以多帶幾套衫上去啦、
詢問下我地有無咩野特別構思啦……
我當時好老實咁答佢：
嗯，我兩公婆因為超唔上鏡所以好討厭影相，
亦因為咁，個女歲幾喇都只係得幾幅「賀壽式」既合照，
所以先會想上您地公司影返輯相，
希望係影得自然D既咁囉……
佢當時大概回答我係：
好多客人上到去都會玩得幾開心，
拍攝過程中攝影師會同你地玩得好開心，
一定會影到你地覺得滿意既、自然既相。
7月15日黃昏時段上到去venture，
到正式拍攝時，唔知點解攝影師並唔係較早前同我電聯過既男仔；
而係一個女仔……
不過呢個都唔算問題既 ^^
嗯……整個拍攝過程（即係果一個鐘）尚選OK，
攝影師姐姐身兼「動作指導」，比左唔少動作建議過我地，
大部份動作都係希望拍到一D比較動態 + 自然 + 開心既較果。
一個鐘頭，好快就過左，豬利成功換左三套衫，
加埋著上去果套，即係四款。 ^^
而豬頭同我……懶換衫，一套走天涯，卡卡卡
影完相，就到攝影師姐姐介紹佢地公司產品既時候。
豬頭鍾意佢地既「ice」系列；
而我，就比較鍾意無框既「bloq」系列，可惜呢個系列已經唔再出，
只有差唔多既，「metro」系列。
臨走前同攝影師姐姐講左想要個「ice9」既波特，
如果可以，希望到時能夠提供到一個有關既「構思」比我地，
例如係用邊九張相、點排列、各張相可以做咩效果。 ^^
7月18日，約左睇相，
懷住好期待既心情再上vanture ^^
上到去，唔係上次幫我地影相既攝影師姐姐招呼我地睇相，
換左另一個都係攝影師既姐姐泥，
一入到預覽室，又開始介紹佢地公司既產品……
悶~~豬頭同我好老實不客氣咁同佢講：
嗯……其實我地心目中都已經有相要既野，
上次已經同果位攝影師姐姐講左，
而且……
我地將會買幾多波特要幾多張相，
都要先睇睇究竟影到幾多張令我地滿意既相先講，
假如只得一張滿意，咁就算您地有幾多款唔同組合對我地泥講都毫無意義。
姐姐呆左一呆，然後好有禮貌地開始比我地睇相……
睇完第一、二、三張相，
我第一句同豬頭講既係：
「嘩，你個女都真係幾醜樣……」
豬頭同我講既第一句係：
「Eeeee~~妳個女似我地，唔上鏡！」
相片有幾靚，從以上短短兩句對白應該唔難讓大家理解……
確係有少少失望……
我覺得自己用傻瓜機去捕充個女都比佢捕得更「活色生香」……
再睇落去，當日攝影師姐姐建議既一堆「動作」中影出泥既幾張相
再加上一D特別效果（執相技術），
嗯……開始收貨 ^^
係大概五十張相裡面初選左廿二張相，
然後再從廿二張相裡面嚴選左十一張，
係嚴選過程中，協助我地睇相既攝影師姐姐都有比一D建議我地，
大家續張相再傾下可以點執加D咩野效果、
呢到執走個手臂、果到張達之熊人整返近豬利多D、
媽媽塊面上面D紅筋退走佢、呢張將豬利塊面調光少少、諸如此類……
攪左個半鐘頭，
因為係睇相當日落柯打 + 附款，所有波特都會有九折，
所以即場落實訂左一個「ice7」、三個可以更換落去個「ice7」到既相架「block set」、
同埋一個「metro」。
臨走前姐姐話將會兩至三日再同我地聯絡，
約個時間上泥再睇相，
有唔滿意既地方就再做，直到所有相都OK喇，
就會sent過去英國做，當一sent左過去之後，就無得再改。
等呀等；等呀等……
終於等到7月30日，等到噪噪地，
自己打電話上去問，
聽電話果位小姐話可能同事最近比較忙……（跟住無下文接架喎）
不如而家同我約個時間。
就係咁，約左今日（8月3日）再上去睇相。
第三次踏足venture，由第三位姐姐招呼我地，
不過今次唔係去預覽室，而係入返上次影相果間studio，
今次唔係睇投射，而係……
迫埋去個電腦mon到睇相……
兩公婆已經黑黑地（個臉口），
開始睇相……
首先睇「ice7」裡面中間果張長相，
一式四款，無不同效果只有左右中三個唔同排位，
再睇真，原來係四張三式……
豬頭應該開始滾滾地，同姐姐講唔睇個ice住，
不如先睇個「metro」……
呢次真係一式四份有四個較果，
(1)普通版本；
(2)加強左對比版本；
(3)將相片轉為黑白而某部份做彩色版本
(4)加左背景顏色豬利outline加左少少糢糊既版本
一睇到果張背景版本，
叫做識識地執相既我開始提出疑問：
「嗯……出泥既時候，顏色會有偏差嘛？」
姐姐係呢個問題上答得好肯定：
「絕對唔會，妳而家睇到咩野色到時就會係咩野色，
因為我地有調較好個mon既顏色架。^^」
我對呢個回覆，有疑問但滿意。
第二個問題：「嗯……
咁樣而家可以放大張相比我睇嘛？
因為metro個size比較大，而家咁細張我睇唔真，
想放大睇真少少（手指向豬利個outline部份）呢到會係點，
而家咁細張睇既時候都覺得好似out得唔靚。」
係呀，真架，個outline真係好似我以前out MiMi姐同可樂出泥咁上下……
比我既感覺好求其……
豬頭都一樣，覺得呢次個「預覽」好唔掂，
所以講左一D我地對venture既感覺、意見後，
再同呢次位姐姐講多次我地想要D乜，
下次上泥唔係單單只係睇到各張相既「單獨」效果，
而係希望可以睇埋組合起上泥係點；
最後再講埋我地好衷心希望下一次再上泥唔駛再轉人然後再要我地講多次我地想點點點……
前後唔到十五分鐘就離開。
venture比我既感覺好著重推銷產品，
而唔太講究當中所提供既服務質素……
相影得靚唔靚係venture泥講並唔係大問題，
因為可以任執，
但係……點解係呢三次接觸裡面，
我完全接收唔到一種貼心、專業既感覺既？？
生意係一盤生意我好明白，
但做生意都應該有「心」架，
尤其是當您提供既唔單單係一個波特，
而係一種服務……
作為一個銷售對像，
除左收到波特時想滿意稱心之外，
當中既一段過程滿唔滿意都好重要……
期待住下週venture既來電，
期待住下次「預覽」，
期待住最終收到波特可以掛係牆上……
希望，下次豬頭同我會滿意啦……
Tags :shopping
posted on August 4th, 2007 at 8:38 am
posted on August 4th, 2007 at 1:37 pm
posted on August 5th, 2007 at 12:37 am
posted on August 5th, 2007 at 2:16 am
posted on August 5th, 2007 at 1:54 pm
posted on August 6th, 2007 at 11:19 am
posted on August 6th, 2007 at 11:21 am
posted on August 6th, 2007 at 11:43 am
posted on August 6th, 2007 at 1:05 pm
posted on August 7th, 2007 at 8:54 am
posted on August 7th, 2007 at 8:55 am
posted on August 7th, 2007 at 3:01 pm
posted on August 8th, 2007 at 10:03 am
posted on August 8th, 2007 at 9:27 pm
posted on August 9th, 2007 at 8:35 am
posted on August 9th, 2007 at 11:27 pm
posted on August 10th, 2007 at 10:01 am
posted on August 10th, 2007 at 10:04 am
posted on August 11th, 2007 at 6:41 pm
posted on August 14th, 2007 at 10:33 pm
posted on August 15th, 2007 at 1:32 pm
posted on August 30th, 2007 at 5:52 pm
posted on September 1st, 2007 at 2:28 pm