碎碎唸 » 無由亂記

28th July 2007

‧花落誰家

(3,079 Views)

年多兩年前有《蜚夷所思的七百億》一文；
今天，則有《花落誰家》……
看來，我真的太愛錢耶。：P

某天途經如心廣場，又想起甜甜姨姨的遺產……

「豬頭，您猜她的遺產最終花落誰家？」

「天知道……」

「依我說，最好就是拿出來分給香港市民！」

「……」沒好氣。

「喂喂，每人最少分得一萬元哇！」

「有這麼多嗎？」

「好像有的。」

「呼~~」驚嘆狀。

「有香港身份証的就可以分一份，嘩，棒呀！」

突然想起：「喂喂，豬頭，那要快點替豬利去取張身份証耶，
別怠慢，哇卡卡……」

Tags :nil

posted in 碎碎唸 | 3 Comments

20th July 2007

‧遲來的十年

(2,887 Views)

２００７對我泥講有兩個「十年」：
（一）回歸十年；
（二）同豬頭識左十年

十年前既七月一日，人在泰國，
四日三夜都唔記得打左幾多個長途比豬頭；
只係記得酒店條尾數係碌卡既，
明明回程時計過大概要找四百幾唔百蚊港幣，
點知第二個月兌換率變左，
當收到張月結單時只需要比三百蚊鬆D既港幣，
果時仲覺得幾開心，好抵！
點知無幾耐，金融風暴就殺到埋身，
香港都不再宵金窩……
終於感受到咩野叫「蕭條」。
十年後既七一，
我多左兩個身份：
（一）豬頭老婆；
（二）豬利老媽子
除左咁，我都仲係我，
無方向無理想無大志，
有日敲日，有粥食粥無粥食個公仔麵……

十年磨練只係讓自己更安於天命……

呢十年香港好似真係經歷左好多，
風暴一個接一個，最近仲有個溏心既添，
都真係幾麻煩。

沙士一「疫」，更令我地惆悵。
貧與困，最終將香港人既心拉埋一齊，
七一齊齊上街，最後贏左漂亮一仗，
真係無死過一個人……仲唔靚？

回歸對我泥講無乜特別，
最讓我覺得舒懷既係，
唔需要再為「國籍」一欄苦惱……

細個果陣，第一次出遊，
係飛機上例牌要填「入境紙」，
記得自己係「國籍」一欄填上「中國」；
媽的睇到就話我填錯，應該填「英籍」……

「英籍」？有無攪錯呀？崇洋炸掛？？
警訊成日都講架啦：「中國藉男子，中等身形……」，
妳幾時有聽過話「英籍華人，中等身形」丫！挑~~

然後，「國籍」呢個問題困擾左我好耐。
每次填呢類form，我都睇心情，果日想填乜就填乜……：P

有次過某個地方既海關，佢將我「中國」兩個字刪左，
再加返「British」落去，
仲教訓左我幾句乜野我拎住英國Passport就係英國人。
唉，是但啦，您話咩就咩啦。
拗又無意思，入到境就神仙啦，妖~~

然後，終於我地本Passport改左名（封面？）
佢再唔隨隨便便咁叫「Passport」而係叫做「B.N.O.」；
好囉好囉，終於我對自己既國籍有左更深層既認識！

拿，唔係玩野，
我真係有試過係「國籍」果欄填過：「British(Oversea)」。
邊個敢話我錯？哼！

回歸後，手握特區護照，
終於名正言順；理直氣壯咁可以填「中國」兩個字落去，
老實講，真係有D「踏實」，嘿嘿~~

由細到大，我都覺得「香港是我家」，
無第二個地方會比香港更正更適合我……
但時至今日，香港好似真係愈泥愈多「聲音」，
而好多聲音我都唔太o岩聽，
慢慢連自己都愈泥愈多「聲音」
有「聲音」並唔代表唔再沉默，
換轉角度睇，只係代表有不滿，
原來……
我只能夠共富貴而唔能夠共患難，
我只係愛紫醉金迷宵金窩既香港，
而唔係一個堆砌出泥金玉其外既香港。

富與貧既比例劃出泥就好似蘇師父個Ｍ字額咁，
無論我係Ｍ字裡面既邊一點，都唔會「真」開心，
原來，
踏實左既只係身份，
但個心，係就係「實」左，不過只係另類既「實」，
紫醉金迷、繁華盛世……
仲要唔要多等十年？
一或，好似我隻青春小鳥咁？